Xildhibaan Cabdirashiid Xiddig
MUQDISHO – Xildhibaan Cabdirashiid Maxamed Xiddig oo ka tirsan Baarlamaanka Federaalka ayaa sheegay in awooda iyo go’aanada Baarlamaanku aysan dhaafsiisneyn magaalada Muqdisho.
Xildhibaan Xiddig ayaa sheegay in looga baahan yahay Baarlamaanka iney awoodooda ku baahiyaan dalka maadaama dalku uu Federaal qaatay.
Marka hore waa inaan Isweydiinaa,wadanka waa Federaal,dowladda Federaalka ahayd iyo dowladgoboleedyada ,dowladda Xamar ka dhisan oo Baarlamaanku kow ka yahay ,Xukuumadda iyo mas’uuliyiinta ma waxaan nahay Baarlamaan iyo Xukuumadda gobolka Banaadir mise waxaan nahay Baarlamaan iyo Xukuumad Jamhuuriyadda Federaalka ah ee Soomaaliya”ayuu yiri Xiddig.
Wuxuu sheegay in loo baahan yahay in la keen barnaamijyo cad cad oo xuquuqda gobolka Banaadir wax looga qabanayo maadaama 18-kii gobol laga reebay.
Horta awooda baarlamaanka page gaarsiisan tahay ,Afgooye iyo Balcad ma gaarto,gobolka Banaadir dadka jooga dhib ayaan ku haynaa,awaamiirteeda asiga ayey ka fushaa,wax kasta ayaa lagu dul qabtaa,haddaan nahay Baarlamaanka gobolka Banaadir ama haddaan nahay Baarlamaan Fedetaal.
Xildhibaan Cabdirashiid Xiddig ayaa ugu dambeyn soo jeediyey in awooda Baarlamaanka la gaarsiiyo dalka oo dhan maadaama Federaal la yahay.
SAHANONLINE.COM
Leave a Reply